ដំណឹងជ្រើសរើសសន្តិសុខ (ក្រុងព្រះសីហនុ)
អង្គការដើម្បីភាពញញឹមនៃកុមារ (PSE) ជា អង្គការអន្តរជាតិ ក្រៅរដ្ឋាភិបាលបង្កើតក្នុងខែមីនា ឆ្នាំ១៩៩៣ បានផ្តោតលើ កុមារដែលធ្វើការ និងរស់នៅក្នុងស្ថានភាពដ៏ពិបាក នៅក្នុងរាជធានីភ្នំពេញ សៀមរាប និងខេត្តព្រះសីហនុ ដោយផ្តល់ការអប់រំ និងការបណ្តុះបណ្តាលវិជ្ជាជីវៈ ជំនាញដល់ពួកគេ។ អង្គការមានបុគ្គលិកសរុបជាង ៦០០នាក់ និងជួយសិស្សចំនួន ៦៥០០នាក់ បច្ចុប្បន្នកំពុងសិក្សា នៅរាជធានីភ្នំពេញ ខេត្តព្រះសីហនុ និងខេត្តសៀមរាប។ អង្គការត្រូវការជ្រើសរើសបុគ្គលិកធ្វើការជាសន្តិសុខ ដើម្បីធ្វើការពេញម៉ោង នៅក្នុងក្រុងព្រះសីហនុ។
ភារកិច្ច និងការទទួលខុសត្រូវ
- ត្រួតពិនិត្យអ្នកចេញ-ចូលមណ្ឌលឱ្យបានច្បាស់លាស់ និងហ្មត់ចត់ ដើម្បីធានាឱ្យបានសុវត្ថិភាព និងសន្តិសុខល្អ នៅក្នុងមណ្ឌល
- ការពារ និងថែរក្សាទ្រព្យសម្បត្តិក្នុងមណ្ឌល
- ការពារក្មេងក្នុងមណ្ឌលមិនឱ្យចេញទៅក្រៅដោយមិនបានអនុញ្ញាត
- សម្អាត និងរក្សាសណ្តាប់ធ្នាប់ និងអនាម័យបរិវេណទីតាំងឈរជើង
- ចូលរួមសហការល្អជាមួយមិត្តរួមការងារក្នុងការបំពេញការងារត្រូវចាត់តាំង
- សម្អាត អនុវត្តការងារពាក់ព័ន្ធផ្សេងៗទេៀតដែលប្រធានចាត់តាំង។
លក្ខខ័ណ្ឌនៃការជ្រើសរើស
- មានចំណេះទូទៅសមល្មម
- មានបទពិសោធន៍ធ្វើការយ៉ាងតិចមួយឆ្នាំ
- គោរពពេលវេលាធ្វើការដែលបានកំណត់ឱ្យ
-អត្តចរិត និងឥរិយាបថសមរម្យ ថ្លៃថ្នូរ និងស្រលាញ់ការងារ
- មានស្មាតីទទួលខុសត្រូវខ្ពស់ ក្នុងការងារ
- មានសាមគ្គីភាព និងភាពស្មោះត្រង់ជាមួយអ្នកធ្វើការរួមក្រុម
- មានកាយសម្បទាមាំមួន និងរហ័សរហួនក្នុងការងារ។
ប្រាក់បៀវត្ស និងអត្ថប្រយោជន៍
ប្រាក់បៀវត្សល្អ ប្រាក់បុព្វលាភ ប្រាក់សោធននិវត្ដន៍ ប្រាក់ឧបត្ថម្ភសុខភាព និងការធានារ៉ាប់រង។
ការទទួលពាក្យ
បេក្ខជន បេក្ខនារីដែលមានបំណងធ្វើការនេះ សូមទំនាក់ទំនងមកកាន់លេខទូរសព្ទដៃលេខ ០១៥ ៩២ ៩៩ ១៨ (កញ្ញា ចាន់ គង្គា)
ឬអញ្ជើញមកដាក់ពាក្យនៅការិយាល័យធនធានមនុស្ស នៃអង្គការដើម្បីភាពញញឹមនៃកុមារ (PSE)នៅអាសយដ្ឋានអាគារ ៤០២ ភូមិទ្រាសង្កាត់សឹ្ទងមានជ័យខណ្ឌមានជ័យ ភ្នំពេញ។
សម្រាប់បេក្ខជន បេក្ខនារីដែលនៅក្រុងព្រះសីហនុ សូមដាក់ពាក្យនៅអាសយដ្ឋាន ក្រុម១៧ សង្កាត់៣ ខណ្ឌមិត្តភាព ក្រុងព្រះសីហនុ។
